i'm back

swimming gala 2

自從上次水運會墜池事件之後
我發現自己對泳池有陰影

早陣子去游水
我坐埋一邊好耐好耐都唔肯落水
後來終於鼓起勇氣行近個池邊

俾著以前我會諗都唔諗就跳落去
但由於好驚自己會再一次沈底
都係慢慢爬梯落水比較穩陣
雖然明知道池水位係矮過我

突然覺得戲山莫戲水好鬼啱聽
回想中六時, 實在痴得好徹底
我決定以後死都唔會參加水運會
除非個池我企得到

以我所知, 腋毛存在目的有兩個
一: 幫助排汗
二: 防止磨擦

但點解小朋友無需要腋毛?
點解大人有擁有腋毛的必要性?

我覺得剃腋毛是女人應該進行的活動
首先是為了衛生
其次是對他人視覺上的尊重

近期讀到一封EMAIL,話剃腋毛可能致癌
因為剃腋毛會令身體無法排汗
結果淋巴結積聚在腋窩附近的地方
最後就會引致乳癌

另外, EMAIL又話面紙含有滑石粉塵
亦會有機會引致卵巢癌

愈來愈有理由相信, 我會死於癌症
各位姨媽姑姐, 大嬸呀婆, 祝身體健康!

關於我嘅拾件事

壹 沖澡會跳舞,結果跳到胃痛

貳 發夢夢見自己地中海

叄 習慣打側瞓,所以家陣條腰「咩咩」地

肆 試過幾次食叉燒包食埋張紙

伍 其中一個志願係揸地鐵

陸 細個睇美少女,當佢就快輸嗰時,我會祈禱

柒 唔想嫁俾載眼鏡嘅男人

捌 中意有遺憾,中意戚戚然嘅感覺

玖 最憎搭車唔排隊嘅呀嬸

拾 需要嘅睡眠時間極長

朝早, 同石老師因為一個飯盒鬧交。

石: 我係老師, 我有權要你上去課室!
我: 我係學生, 我有權企係度, 我唔會上去。
石: 好!唔上呀嘛, 鬥企呀!
我: 好呀!

幾秒之後, 可憐的石老師落唔到台。

石: 你第幾次叮飯呀?
我: 第一次。
石: 第一次?我見你第三次啦!
我: 今日第一次。

石: 你即係叮咗好多次啦!
我: 點解我唔可以叮飯?
石: 我問你今年第幾次叮飯呀?
我: 點解我唔可以叮飯?
石: 答我呀!
我: 點解我唔可以叮飯?

呀sir, 我真係無你咁好氣。
一朝早都可以咁大聲咆哮, 佩服!

不過我想同你講，
為免你下次又落唔到台, 同埋爆血管，
我覺得你都係尊重吓學生好!